Connect with us
boomerang-movie

விவசாயிகளை கண்டுகொள்ளாத மக்கள், கீர்த்தி சுரேஷை காண போட்டா போட்டி!

keerthi suresh

News | செய்திகள்

விவசாயிகளை கண்டுகொள்ளாத மக்கள், கீர்த்தி சுரேஷை காண போட்டா போட்டி!

சேலத்தில் நகைக்கடை திறப்பு விழாவுக்காக வந்திருந்த நடிகை கீர்த்தி சுரேஷை பார்க்க திரண்ட ரசிகர்களால் பெரும் தள்ளுமுள்ளு ஏற்பட்டது. போலீசார் லேசான தடியடி நடத்தி ரசிகர்களை கட்டுப்படுத்தினர்.

சேலம் மாவட்டம், ஓமலூர் சாலையிலுள்ள புதிய பேருந்து நிலையம் அருகே புதிய நகைக்கடை திறப்பு விழா நடைபெற்றது. இதில் நடிகை கீர்த்தி சுரேஷ் பங்கேற்பதாக அறிவிக்கப்பட்டிருந்தது. காலை 9 மணிக்கே ரசிகர்கள் நகைக்கடை முன்பாக, திரண்டனர். கூட்டம் கட்டுக்கடங்காமல் போனதால் கயிறு கட்டி போலீசார் ஒழுங்கு படுத்த வேண்டிய நிலை ஏற்பட்டது.

நகைக் கடைக்கு, கீர்த்தி சுரேஷ் கார் வந்ததும், ரசிகர்கள் மேலும் முண்டியடித்து முன்னேறினர். நகைக் கடைக்குள் அவர்கள் நுழைய முயன்றனர். இதனால் ரசிகர்கள் மீது போலீசார் லேசான தடியடி நடத்தினர். இதனிடையே, அந்த செய்தி வேகமாக பரவியதால் ஓமலூர் சாலையில் ரசிகர்கள் மேலும், மேலும் கூடினர்

அரசு மருத்துவமனை அமைந்துள்ள அந்த சாலையில் போக்குவரத்து பாதிக்கப்பட்டதால் நோயாளிகள் அவதிப்பட்டனர். கோபமடைந்த போலீசார், முண்டியடித்த ரசிகர்கள் மீது தடியடி நடத்தினர். ஆனால் ரசிகர்களோ ஒரு இஞ்ச் கூட நகருவதாக இல்லை. கீர்த்தி சுரேஷ் வெளியே வர வேண்டும், அவரை பார்த்தால்தான் வீட்டுக்கு திரும்புவோம் என கூறி அந்த இடத்தையே போராட்ட களமாக மாற்றினர்.

மேலும், ரசிகர்கள் அனைவரும் செல்போன்களில் நிகழ்ச்சியை வீடியோவாக எடுக்க முண்டியடித்ததால் பெரும் தள்ளுமுள்ளு ஏற்பட்டது. இதையடுத்து, நிலைமையை கட்டுக்குள் கொண்டு வர நினைத்த போலீசார், கடைக்குள் விரைந்து சென்று கீர்த்தி சுரேஷை உடனே அங்கிருந்து சென்றுவிடுமாறு கேட்டுக்கொண்டார். போலீசாரின் கோரிக்கையை ஏற்று அவசரமாக கீர்த்தி சுரேஷ் வெளியேறினார். இதன்பிறகே நிலைமை சீரானது.

keerthi

31 நாட்களாக போராடி வரும் விவசாயிகளை கண்டு கொள்ளாத மக்கள், ஒரு மணி நேர நிகழ்ச்சிக்காக வந்த நடிகை கீர்த்தி சுரேஷை காண இவ்வாறு போட்டா போட்டி போட்டது வெட்கக்கேடான விசயம் என சமூக ஆர்வலர்கள் வேதனை தெரிவித்துள்ளனர்.

இதேபோல், 2 அண்டுகள் முன்பு இதே சேலத்தில் பிரபல துணிக்கடை ஒன்றின் திறப்புவிழாவில் பங்கேற்ற நடிகை நயன்தாரா வந்திருந்ததால், ரசிகர்கள் கூட்டம் நிரம்பி வழிந்தது. கூட்டத்தைக் கட்டுப்படுத்த போலீசார் தடியடி நடத்தியதால் பரபரப்பு ஏற்பட்டது குறிப்படத்தக்கது.

Continue Reading
Click to comment

Leave a Reply

Your email address will not be published. Required fields are marked *

Advertisement

அதிகம் படித்தவை

To Top