fbpx
Connect with us

Cinemapettai

தமிழ் மிகவும் ஒரு அழகான மொழி அதை பேசுவதற்காக பெருமைப்படுகிறேன்: கேத்தரின் தெரசா

News | செய்திகள்

தமிழ் மிகவும் ஒரு அழகான மொழி அதை பேசுவதற்காக பெருமைப்படுகிறேன்: கேத்தரின் தெரசா

Catherine Tresa-Kathakaliமெட்ராஸ் படத்தின் மூலம் தமிழ் திரையுலகுக்கு கதாநாயகியாக அறிமுகமானவர், கேத்தரின் தெரசா. வருகிற பொங்கல் விருந்தாக திரைக்கு வர இருக்கும் கதகளி படத்தில், விஷால் ஜோடியாக இவர் நடித்து இருக்கிறார்.

கேத்தரின் தெரசாவின் பூர்வீகம் கேரளா என்றாலும், அவர் துபாயில் வளர்ந்தவர். சென்னையில் நேற்று அவர் நிருபர்களுக்கு பேட்டி அளித்தார். அப்போது நிருபர்கள் கேட்ட கேள்விகளும், அவற்றுக்கு கேத்தரின் தெரசா அளித்த பதில்களும் வருமாறு:

கேள்வி:- நீங்கள் நடித்த கதகளி படம் பொங்கல் வெளியீடாக திரைக்கு வருவது பற்றி என்ன கூறுகிறீர்கள்?

பதில்:- கதகளி படம், பண்டிகை காலத்தில் வெளிவருவது சந்தோஷமாக இருக்கிறது. தீபாவளி, பொங்கல் போன்ற பண்டிகை காலங்களில் ரசிகர்கள் மகிழ்ச்சியாக இருக்க விரும்புவார்கள்.

அவர்களை திருப்தி செய்யும் வகையில் படங்கள் வெளிவருவது, வரவேற்கத்தக்கது. நான் நடித்த மெட்ராஸ் படத்தில் இருந்து முற்றிலும் வித்தியாசமான படம் இது. இதில், மருந்துக்கடையில் வேலை செய்யும் பெண்ணாக நடித்து இருக்கிறேன்.

கேள்வி:- சென்னை உங்களுக்கு எப்படி இருக்கிறது, தமிழ் மக்களை பற்றி உங்கள் கருத்து என்ன?

பதில்:- சென்னை எனக்கு பிடித்து இருக்கிறது. தமிழ் மக்கள் உண்மையாகவும், நேர்மையாகவும் இருக்கிறார்கள். அன்பானவர்களாகவும், புத்திசாலிகளாகவும் இருக்கிறார்கள். சென்னையில் வசிப்பது, எனக்கு மகிழ்ச்சி அளிக்கிறது.

கேள்வி:- நடிக்கும்போது தமிழ் வசனங்களை எப்படி பேசுகிறீர்கள்?

பதில்:- எனக்கு தமிழ் கொஞ்சம் தெரியும். மெட்ராஸ் படத்தில் எனக்கு இரவல் குரல்தான் என்றாலும், என் உதட்டு அசைவுகள் வசனங்களுக்கு பொருத்தமாக இருந்ததாக எல்லோரும் பாராட்டினார்கள். தமிழ், அழகான மொழி. அதை பேசுவதற்காக பெருமைப்படுகிறேன்.

கேள்வி:- எதிர்காலத்தில், தமிழ் இளைஞரை திருமணம் செய்து கொள்வீர்களா?

பதில்:- என் மனதுக்கு பிடித்து விரும்பத்தக்கவராக இருந்தால், நிச்சயமாக ஒரு தமிழ் இளைஞரை திருமணம் செய்து கொள்வேன்.

இவ்வாறு கேத்தரின் தெரசா கூறினார்.

Continue Reading
Click to comment

Leave a Reply

Your email address will not be published. Required fields are marked *

Advertisement

அதிகம் படித்தவை

To Top