பாகுபலி தற்போது இந்திய சினிமாவின் அடையாளம் என்று கருதப்படும் அளவிற்கு உலகம் முழுவதும் பெரும் வரவேற்பை பெற்றுள்ளது. எஸ்எஸ் ராஜமெளலி இயக்கிய இந்தப்படத்தின் கதையை எழுதியவர் அவரின் தந்தை விஜயேந்திர பிரசாத் என்பது அனைவரும் அறிந்தது தான். இவர் பாலிவுட்டையே கலக்கிய ஒரு கதாசிரியர் ஆவார்.

பாலிவுட் ஸ்டார் சல்மான்கான் நடித்த பஜிரங்கி பைஜான் படத்தின் கதையை எழுதியவர் ராஜமௌலியின் தந்தை விஜயேந்திர பிரசாத் தான்! அந்தக்கதைக்காக அவருக்கு 40 லட்சம் ரூபாய் சம்பளம் பேசப்பட்டதாம். ஆனால் 40 லட்ச ரூபாய் குறைவு, 2 கோடி ரூபாய் தந்தால் கதையை தருகிறேன் என்று சொல்லிவிட்டாராம். இப்படி சொல்வதை கேட்ட பலரும் அதிர்ச்சியாகிவிட்டார்களாம்.
சல்மான்கானைவிட உங்களின் கதை பெரியதா என பலரும் கேட்க, என் கதையில் தான் சல்மான்கானே நடிக்கிறார் என்று கெத்தாக சொல்லியுள்ளார். அதன் பின்னர் 2 கோடி ரூபாய் கொடுத்து படத்தின் கதையை வாங்கியுள்ளனர். இந்தப்படம் வெளிவந்து 600 கோடி ரூபாய் வசூல் செய்தது குறிப்பிடத்தக்கது.