Connect with us
Cinemapettai

Cinemapettai

bahubali_cinemapettai

Tamil Cinema News | சினிமா செய்திகள்

‘பாகுபலி 2’ பீவர் ஆரம்பம்: டிக்கெட் வாங்க வரிசையில் காத்துக்கிடக்கும் ரசிகர்கள்!

ஹைதராபாத்: இந்திய சினிமாவில் மிகவும் எதிர்பார்க்கப்படும் ‘பாகுபலி 2’ திரைப்படத்தின் டிக்கெட்டை பெற அதிகாலை முதல் ரசிகர்கள் நீண்ட வரிசையில் காத்துக்கிடக்கின்றனர்.

ஹைதராபாத்தில் உள்ள பிரசாத் மல்டிபிளெக்ஸ் அரங்கின் வாயிலில் அதிகாலை 6 மணி முதல் குவியத் தொடங்கிய ரசிகர்கள், பாகுபலி ஆளும் மகிழ்மதி ராஜ்ஜியத்தை முதல் நாள் முதல் ஷோவில் பார்க்க வேண்டும் என்ற ஆவலில் டிக்கெட் பெறுவதற்காக வரிசையில் நிற்கின்றனர். ‘பாகுபலி 2’ மீதான ஈர்ப்பின் வெளிப்பாடாக நீண்ட வரிசையில் ரசிகர்கள் காத்திருக்கும் வீடியோ பதிவு சமூக வலைதளத்தில் வைரலாகி வருகிறது.

எஸ்.எஸ்.ராஜமௌலி இயக்கத்தில் பிரம்மாண்டமாக உருவாகியுள்ள ‘பாகுபலி 2’ திரைப்படம் சுமார் 9000 திரையரங்குகளில் உலகெங்கும் வருகிற வெள்ளிக்கிழமை வெளியாகவிருக்கிறது. இதுவரை எந்த இந்திய சினிமாவிற்கும் கிடைக்காத ஒரு பிரம்மாண்ட திரையீடு இந்தப் படத்துக்கு கிடைத்துள்ளதாக கூறப்படுகிறது.

தமிழ், தெலுங்கு, ஹிந்தி, மலையாளம் என 4 மொழிகளில் இந்தியா முழுவதும் சுமார் 6500 திரையரங்குகளில் வெளியாகவிருக்கும் நவீன தொழில்நுட்பம் வாய்ந்த ஐமேக்ஸ் வடிவில் அமெரிக்கா மற்றும் இந்தியாவில் திரையிடப்படுகிறது. ஐமேக்சில் திரையிடப்படும் 3வது இந்திய திரைப்படம் ‘பாகுபலி 2’ என்பது குறிப்பிடத்தக்கது.

‘பாகுபலி 2’ வெளியான முதல் நாளிலேயே பிரம்மாண்ட வசூலை வாரிக் குவிக்கும் என்றும், ரூ.1000 கோடி வரை வசூலித்து படைக்கும் என்றும் எதிர்ப்பார்க்கப்படுகிறது. ‘பாகுபலி 2’ தமிழக வெளியீட்டில் ஏற்பட்ட பல்வேறு சிக்கல்கள் ஒருவழியாக முடிவுக்கு வந்த நிலையில், தமிழகம் முழுவதும் முழுவீச்சில் டிக்கெட் முன்பதிவு நடைபெற்று வருகிறது.

Continue Reading
Click to comment

Leave a Reply

Your email address will not be published. Required fields are marked *

To Top