சிம்புவுக்கு வில்லனாக மாறிய ஆர்யா.. ஆனால் இவர்களை சமாளிக்க போகும் இயக்குனர் யார் தெரியுமா?

ஒரு காலத்தில் இளம் பெண்கள் மற்றும் கதாநாயகிகளின் கனவுக் கண்ணனாக வாழ்ந்தவர் தான் சிம்பு. சமீபத்தில் வெளிவந்த இவரது படங்கள் பெரிய அளவில் வெற்றியை பெறவில்லை என்றாலும் இவரை விட்டு ரசிகர்கள் நீங்காமல் இருக்கிறார்கள்.

இந்த மாஸ் கூட்டத்தைப் பார்த்து பல இயக்குனர்கள் சிம்புவை வைத்து படம் எடுக்க ரெடியாக உள்ளார்கள். ஏன் இன்று தளபதி விஜய்யை வைத்து படம் இயக்கிய லோகேஷ் கனகராஜ் கூட சிம்புவிற்கு ஒரு கதை சொன்னவர் தான்.

வெங்கட்பிரபு இயக்கத்தில் மாநாடு படத்தை முடித்த பிறகு சுதா கொங்கரா இயக்கத்தில் நடிக்க இருக்கிறார். அந்தப்படம் கைகூடவில்லை என்றால் உடனடியாக விக்ரம் இயக்குனருடன் கைகோர்க்க உள்ளார்.

விக்ரம் இரண்டு வேடங்களில் வித்தியாசமாக நடித்து பெரும் வெற்றி பெற்ற திரைப்படம் இருமுகன். இந்த படத்தை இயக்கிய ஆனந்த் சங்கர் தற்போது சிம்புவை வைத்து ஒரு படத்தை இயக்கப் போவதாக தகவல்கள் வெளியாகி உள்ளது.

அதேபோல் இந்த படத்தில் சிம்புவுக்கு வில்லனாக பிரபல தமிழ் நடிகர் ஆர்யா நடிக்க உள்ளார். ஹீரோவாக பல படங்களில் செய்தாலும் அவ்வப்போது குணச்சித்திர கதாபாத்திரங்களிலும் ஆர்யா நடித்துள்ளார்.

ஏன் தெலுங்கில் அல்லு அர்ஜுன் நடிப்பில் உருவான ஆர்யா படத்தில் கூட வில்லனாக நடித்திருந்தார் என்பது குறிப்பிடத்தக்கது.