அனுராக் கஷ்யப்பின் இயக்கத்தில் முதல்முறையாக இணையும் பிரபல நடிகர்..

இரண்டு வருடங்கள் கழித்து மீண்டும் பாலிவுட்டில் ரீ-எண்ட்ரி கொடுக்கிறார் பிக் பியின் மகனும், முன்னணி நடிகருமான அபிஷேக் பச்சன்.

பாலிவுட்டின் சூப்பர்ஸ்டார் அமிதாப் பச்சன். 1992வில், ‘ஹுதா கவா’ படத்திற்கு பிறகு நாயகன் அவதாரம் எடுப்பதையே நிறுத்தி கொண்டார். இதை தொடர்ந்து, இரண்டாவது இன்னிங்ஸில் இறங்கிய அமிதாப் பல வெற்றி படங்களை கொடுத்தார். அதிலும் குறிப்பாக பிகு மற்றும் பிங்க் ஆகிய படங்கள் அமிதாப்பின் திரை வாழ்வில் முக்கிய மைல்கல் என்றே சொல்ல வேண்டும். எண்ணற்ற தேசிய விருதுகளையும் பெற்று இருக்கிறார். தற்போது வித்தியாசமான தோற்றத்துடன் நாட் அவுட் படத்தில் நடித்து வருகிறார். அப்பாவிற்கு பிள்ளை தப்பாது என்பது போல இவரின் மகன் அபிஷேக் பச்சனும் பாலிவுட்டில் முன்னணி நடிகராக வலம் வருகிறார்.

2000 ஆம் ஆண்டு அகதி படத்தின் மூலம் பாலிவுட்டில் அறிமுகமானாவர் அபிஷேக் பச்சன். தொடர்ந்து, பல வெற்றி படங்களில் நடித்தவர். 2005-ஆம் ஆண்டில், பண்டி ஆர் பாப்லி, சர்கார், தஸ் மற்றும் பிளப்மாஸ்டர் என தொடர்ச்சியாக நான்கு பெரும் வெற்றிப் படங்களின் புகழோடு அபிஷேக் திரைப்படங்களில் நடித்திருந்தார். அப்பாவின் புகழ் மட்டுமல்லாமல் குரு, தூம், ஜூம் பாரபர் ஜூம் உள்ளிட்ட படங்களின் இவரது நடிப்பு பாலிவுட்டின் முன்னணி நடிகராக நிறுத்தியது.

2016ல் வெளியான ஹவுஸ்புல் படத்திற்கு பிறகு அபிஷேக் பச்சன் நடிப்பில் இருந்து பெரிய ப்ரேக் எடுத்து இருந்தார். நடிக்கும் படங்களின் வகையை மாற்றும் பொருட்டு இந்த இடைவெளி தேவை என அபிஷேக் சமீபத்தில் தெரிவித்துள்ளார். பாலிவுட்டின் பிரபல இயக்குனர் அனுராக் கஷ்யப்பின் மன்மர்சியான படத்தில் அபிஷேக் பச்சன் நடித்து வருகிறார். இந்த படத்தில் அவருக்கு ஜோடியாக டாப்ஸி நடிக்கிறார். அனுராக், அபிஷேக் முதல் முறையாக இந்த படத்தின் மூலம் இணைந்து இருப்பது குறிப்பிடத்தக்கது.

Abishek Bachan