அஜித், ஷாலினி இருவரும் விமான நிலையங்களுக்கு வரும் போதும், ஷாப்பிங் செய்யும்போதும் ரசிகர்கள் புகைப்படம் எடுத்து இணையத்தில் வெளியிடுவார்கள். அவ்வப்போது வெளியாகும் அஜித்தின் புகைப்படத்தை அவரது ரசிகர்கள் ட்ரெண்டாக்கி வருவார்கள்.
நேற்று கோலாகலமாக கொண்டாடப்பட்டது தீபாவளி பண்டிகையை பல பிரபலங்கள் புத்தாடைகளுடன் புகைப்படங்கள் எடுத்து சமூக வலைதளங்களில் பகிர்ந்து வந்தார்கள். நேற்று எதிர்பாராத வகையில் அஜித்தின் லேட்டஸ்ட் புகைப்படம் ஒன்று வெளியாகி இருந்தது.
அதில் தல அஜித் சிகப்பு நிற குர்தாவும், வேஷ்டியும் அணிந்திருந்தார். அருகில் அவரது மனைவி ஷாலினி மஞ்சள் நிற சுடிதார் அணிந்திருந்தார். வலிமை படத்திற்காக ரசிகர்கள் ஆவலுடன் காத்துக் கொண்டிருக்கும் இந்த சூழ்நிலையில், தல அஜித், ஷாலினியுடன் தீபாவளி ஸ்பெஷலாக வெளியிட்டுள்ள இந்த புகைப்படம் ரசிகர்களிடம் அதிக வரவேற்பை பெற்று வருகிறது.
தீபாவளி அன்று அஜித்தின் புகைப்படத்தை பார்த்த அவரது ரசிகர்கள் மகிழ்ச்சி அடைந்தார்கள். தற்போது அஜித்தின் ரசிகர்கள் அந்த புகைப்படத்தை பகிர்ந்து வைரலாகி வருகிறார்கள்.
