அஜித் நோ சொல்லி, விஜய்க்கு ஹிட் அடித்த படம் எது தெரியுமா?

அஜித் வேண்டாம் என ஒதுக்கிய கதையில், விஜய் நடித்து வெளிவந்த படம் மாபெரும் ஹிட் அடித்த கதை குறித்த சுவாரசிய தகவல்கள் வெளியாகி இருக்கிறது.

நடிகர்களில் மாஸ் ஸ்டைல் ஒருவருக்கு ஒருவர் வேறுப்படும். சில ரிஸ்க் எடுத்து நடித்தால் தான் அவர்களுக்கு வெற்றி என்பதே கிடைக்கும். சில நடிகர்கள் சிரித்தாலே போதும் படம் சூப்பர் ஹிட் தான். இதனால் இயக்குனர்கள் எழுதும் கதையை கொண்டே இவர்கள் தான் தன் படங்களில் நடிக்க வேண்டும் என முடிவெடுத்து விடுவார். அவர்களுக்காவே சில டிரேட் மார்க் காட்சிகளையும் தங்கள் படங்களில் வைத்து அதற்கு கிடைக்க போகும் வரவேற்பை எண்ணியே சிலாகிப்பார். ஆனால், துரதிஷ்டவசமாக அவர் குறிப்பிட்டு எழுதிய நடிகர் அந்த படத்தை வேண்டாம் என சொல்லி விடுவார். இதனால், வேறு நடிகரை போட்டு படத்தை இயக்கினாலும் சிலருக்கு மட்டுமே வெற்றி கிடைக்கும். இப்படி தான் பல படங்கள் தோல்வியையும் தழுவும்.

இந்நிலையில், அஜித் நடிக்க வேண்டும் என தமிழில் எழுதப்பட்ட ஒரு கதைக்கு அவர் ஒப்புக்கொள்ளவில்லையாம். சரி யார் நடிக்கலாம் என யோசித்தபோது, இயக்குனருக்கு விஜயின் ஞாபகம் வந்தது. அவரிடம் அந்த கதையை சொல்ல அவரும் ஓகே சொல்லி நடித்து இருக்கிறார். படமும் வெளிவந்து மாஸ் ஹிட் அடித்தது. அட ரொம்ப பில்டப்பா இருக்குனு தானே யோசிக்கிறீங்க. சரி சொல்றேன். தரணி இயக்கத்தில் வெளிவந்த கில்லி படம் தான் அது.

நாயகனாக விஜயும், நாயகியாக த்ரிஷா நடித்திருந்த கில்லி படத்தை ஏ.எம்.ரத்னம் தயாரித்து இருந்தார். படத்தில் கில்லி வீரரின் வாழ்க்கையும், அவரின் திடீர் காதலும் காட்சிப்படுத்தப்பட்டு இருக்கும். விஜயின் திரை வாழ்வில் பெரிய மாற்றத்தை இப்படம் கொடுத்தது என்றே சொல்ல வேண்டும். விஜய் ரசிகர்களும் இன்று வரை கில்லி படத்தை கொண்டாடி வருகின்றனர். இப்படம் தெலுங்கில் ஒக்கடு என்ற பெயரில் மகேஷ் பாபு நடிப்பில் வெளியாகி தாறுமாறு ஹிட் கொடுத்தது. இதன் தமிழ் ரீமேக் உரிமையை பெற்ற இயக்குனர் தரணி சில மாற்றங்களை அஜித்தை மனதில் வைத்து தான் செய்து இருக்கிறார். அஜித்திடம் இந்த கதையை கூறிய போது, ரீமேக் படம் என்பதால் தல பெரிய யோசனைக்கு பிறகு இந்த வாய்ப்பை நிராகரித்துள்ளார். தளபதியிடம் தரணி இந்த கதையை சொல்ல அவர் நடித்து தான் வெளிவந்த பிறகு நடந்ததெல்லாம் வேறுகதை.