vivegam

ஹாலிவுட் தொழில்நுட்பத்திற்கு இணையாக தமிழ்சினிமாவில் எடுக்கப்பட்ட திரைப்படம் ‘விவேகம்’. பெரும் எதிர்பார்ப்புடன் வெளியான ‘விவேகம்’ ஒரு பக்கம் பாராட்டையும், இன்னொரு பக்கம் நெகட்டிவ்வான விமர்சனத்தையும் எதிர்க்கொண்டது.

ஐரோப்பாவில் நடந்த படப்பிடிப்பின்போது அஜித், விவேக் ஓபராய் இடம்பெறும் சண்டைக்காட்சி படமாக்கப்பட்டது. அப்போது அஜித்தை ஓபராய் தாக்குவதுபோல் காட்சி எடுக்கப்பட்டபோது துரதிஷ்டவசமாக அருகில் இருந்த பாறையின்மேல் அஜித் உடல் மோதியது.

vivegam

அப்போது வலியால் துடித்த அஜித்க்கு அங்குள்ள டாக்டர்கள் அளித்த சிகிச்சையால் தற்காலிகமாக அந்த வலியை சமாளித்துக் கொண்டார். சென்னை திரும்பியபிறகு வலிமிகுந்த இடத்தில் ஆபரேஷன் செய்து கொண்டார், அஜித்.

ஆபரேஷன் முடித்து அஜித் நார்மலானவுடன், அவரது அடுத்தப்படத்திற்காக பேச்சு துவங்கி விட்டது. ’வீரம், வேதாளம், விவேகம் படத்தைத் தொடர்ந்து அஜித் – சிவா காம்பினேஷனில் உருவாகும் நான்காவது படத்தை எங்கள் நிறுவனம் தயாரிக்கிறது’ என்கிற செய்தியை ஏ.எம்.ரத்னத்தின் மருமகளும், திரைப்பட பாடகியுமான ஐஸ்வர்யா கிருஷ்ணா வாக்குமூலம் கொடுத்து இருப்பதாக வைரல் செய்தி பரவியது.

அதிகம் படித்தவை:  'விவேகம்' சாதனையை தாண்டிய விஜயின் 'மெர்சல்'

சோஷியல் மீடியாக்களில் பலரும் போட்டி போட்டுக் கொண்டு அந்தச் செய்தியை உண்மையானது போல் ஊர்ஜிதப்படுத்தினர். அஜித்தின் அடுத்தப்பட தயாரிப்பு குறித்து ஐஸ்வர்யா கிருஷ்ணாவிடம் பேசினோம். ‘அஜித்சாரோடு அடுத்த படத்திலும் சிவாசார் காம்பினேஷன் தொடரும் என்பதுபோல் செய்திகள் வருகின்றன.

ajith vivegam

அஜித்சார் அழைத்து வாய்ப்பு கொடுத்தால் எங்கள் நிறுவனம் தயாரிக்கும் என்று நான் சொன்னதை அடுத்தப்படத்துக்கு நாங்கள்தான் தயாரிப்பாளர் என்று நான் உறுதியாக சொன்னதாக வந்த செய்திகளில் உண்மை இல்லை, வைரலுக்காக தவறாக வெளியிடப்பட்ட செய்தி’ என்று மறுத்தார்.

அஜித் – சிவாவுக்கு நெருக்கமான நண்பர்கள் சிலரிடம் பேசினோம். ”டைரக்டர் சிவா தனது குடும்பத்தோடு ஐரோப்பாவுக்கு சென்று இருக்கிறார். தீபாவளிக்கு முதல்நாள் சென்னைக்கு திரும்புகிறார்.

‘விவேகம்’ குறித்த விமர்சனங்கள் அஜித் – சிவா இருவருக்கும் மனக்காயம் ஏற்பட்டது என்னவோ உண்மை. இன்னொரு படத்தில் இருவரும் இணைந்து வெற்றி படத்தை கொடுத்தே ஆகவேண்டும் என்கிற வெறி அஜித் – சிவா இருவரிடமும் மிகுந்து இருக்கிறது.

அதிகம் படித்தவை:  தல படம் வெச்சதுனால உன்ன சும்மா விடுறேன்- பிரபல தொகுப்பாளினி பிரியங்கா ஆவேசம்
vivegam

ஐரோப்பா சென்று ரிலாக்ஸ் செய்தபிறகு அடுத்தப்படத்துக்கான கதை டிஸ்கஷனில் களமிறங்க திட்டமிட்டு இருக்கிறார், சிவா. அஜித்தும் ஆபரேஷனுக்கு பிறகு வீட்டிலேயே தங்கி பூரண ஓய்வு எடுத்து வருகிறார். அஜித் நடிக்கும் அடுத்தப்படத்தை ஏ.எம்.ரத்னம் தயாரிக்கிறார் என்பதில் எள்முனையளவும் உண்மையில்லை.

அஜித் நடிப்பில் சிவா இயக்கும் படத்தை, ‘சத்யஜோதி’ தியாகராஜன் தயாரிக்கிறார். ‘விவேகம்’ படத்தில் இடம்பெற்ற அனைத்து டெக்னீஷியன்களும் அஜித்தின் அடுத்தப்படத்திலும் பணியாற்றுகின்றனர்.

‘விவேகம்’ படத்தை தயாரித்து நெகட்டிவ் விமர்சனத்தை எதிர்கொண்ட தயாரிப்பாளர் தியாகராஜன் கையில் அடுத்தப்படத்துக்கான வெற்றிக்கனியை ஒப்படைக்க இருக்கிறார், அஜித்’’ என்பது ஹைபர் ஹைலைட்ஸ் நியூஸ்.