வெந்த புண்ணில் வேலைப் பாய்ச்சிய பிரபல தயாரிப்பாளர்.. அசிங்க அசிங்கமாக திட்டும் அஜித் ரசிகர்கள்

தல அஜித் ரசிகர்கள் பெரும்பாலும் தங்களுக்கு சாதகமாக யாரேனும் பேசவில்லை என்றால் அவர்களை சமூக வலைதளங்களில் வச்சு செய்து விடுவார்கள்.

தமிழ் சினிமாவில் தனக்கென ஒரு ரசிகர் பட்டாளத்தை உருவாக்கி கெத்து காட்டி வருகிறார் அஜித். ஒவ்வொரு படமும் பெரிய அளவில் வசூல் சாதனைகள் செய்து வருகிறது.

தல அஜித் நடிப்பில் அடுத்ததாக உருவாகிக்கொண்டிருக்கும் திரைப்படம் வலிமை. இந்த படத்தை பற்றி எந்த ஒரு அறிவிப்பும் வெளிவராததால் தல ரசிகர்கள் சோகத்தில் இருக்கின்றனர்.

அந்த படத்தை பிரபல தயாரிப்பாளர் போனி கபூர் தயாரித்து வருகிறார். படத்தயாரிப்பு ஆரம்பமாகி கிட்டத்தட்ட ஒரு வருடங்கள் கடந்த நிலையில் இன்னும் படத்தின் ஃபர்ஸ்ட் லுக் போஸ்டர் கூட வெளியிடாமல் வைத்துள்ளார்.

இதனாலேயே தல ரசிகர்கள் செம கடுப்பில் இருந்தனர். இந்நிலையில் தெலுங்கு பவர் ஸ்டார் பவன் கல்யாண் நடிக்கும் வக்கீல் சாப் படத்தின் மோஷன் போஸ்டரை வெளியிட்டிருந்தார் போனி கபூர்.

தமிழில் அஜித் நடித்த நேர்கொண்ட பார்வை படத்தை தயாரித்த போனிகபூர் அதே படத்தை தெலுங்கில் பவன் கல்யாண் நடிப்பில் தயாரித்து வருகிறார்.

அஜித் படத்திற்கு எந்த ஒரு அறிவிப்பும் விடாமல் மற்ற நடிகர்களின் படங்களுக்கு அப்டேட் விட்டு கொண்டிருப்பதால் கடுப்பான தல ரசிகர்கள் சமூக வலைதளங்களில் போனி கபூரை கண்டபடி திட்டி வருகின்றனர்.