தொடர்ந்து விஜய்யுடன் மோத முடிவெடுத்த கார்த்தி.. திரும்பவும் செம போட்டி இருக்கு

கடந்த வெள்ளியன்று தீபாவளி விருந்தாக வெளியான தளபதி விஜய்யின் பிகில் திரைப்படத்துடன் போட்டியாக கார்த்திக் நடித்த கைதி படமும் வெளிவந்தது. இரண்டு படங்களும் மக்கள் மத்தியில் பெரும் வரவேற்பை பெற்று திரையரங்குகளில் அரங்கு நிறைந்த காட்சிகளாக ஓடி வருகிறது.

இதில் விஜய்யின் மார்க்கெட் பெரிது என்பதால் பிகில் படத்திற்கு நிறைய திரையரங்குகள் கிடைத்து தமிழ்நாட்டில் மட்டும் தற்போது வரை ரூ. 100 கோடிக்கு மேல் வசூல் செய்துள்ளது. உலகம் முழுவதும் 200 கோடி வசூல் ஈட்டியுள்ளது.

அதேபோல் கார்த்தியின் கைதி படமும் ரசிகர்களின் வரவேற்பை பெற்று நன்றாக கல்லா கட்டி வருகிறது. இந்நிலையில் எஸ்.ஆர். பிரபு தயாரிப்பில் கார்த்தி நடிக்கும் சுல்தான் படம் அடுத்த ஆண்டு சம்மர் ரிலீஸாக வெளிவர இருக்கும் தளபதி-64 படத்துடன் போட்டி போடப் போவதாக தகவல்கள் வெளியாகி வருகின்றன.

இந்த செய்தி கேட்டு தற்போதே தளபதி-64 பட தயாரிப்பாளர் பெரும் குழப்பத்தில் இருப்பதாக நம்பத்தகுந்த வட்டாரங்கள் தெரிவிக்கின்றன.