தமிழ் சினிமாவில் முன்னணி கதாநாயகியாக உள்ள நடிகைகள் வில்லி கதாபாத்திரத்தில் நடிக்க தயங்குவார்கள். ஆனால் சில நடிகைகள் துணிச்சலாக வில்லி கதாபாத்திரத்தை ஏற்று நடித்து அதில் வெற்றி கண்டுள்ளார்கள். அவ்வாறு வில்லியாக மிரட்டிய ஐந்து நடிகைகளை பார்க்கலாம்.
ஜோதிகா : சரத்குமார், ஜோதிகா நடிப்பில் வெளியான திரைப்படம் பச்சைக்கிளி முத்துச்சரம். இப்படத்தில் ஜோதிகா கீதா கதாபாத்திரத்தில் தனது சிறந்த நடிப்பை வெளிப்படுத்தி இருந்தார். இப்படம் நேர்மையான விமர்சனங்களை பெற்றது.
ரீமா சென் : சிம்பு, நயன்தாரா, ரீமாசென் நடிப்பில் வெளியான திரைப்படம் வல்லவன். பள்ளிப்பருவத்தில் இருந்தே சிம்பு மீது அதீத காதல் வைத்திருக்கும் ரீமாசென் காதலால் பல தவறுகள் செய்கிறார். அதன்பிறகு மன நோயாளியாக இருக்கும் ரீமா சென்னின் நடிப்பு ரசிகர் மத்தியில் நல்ல வரவேற்ப்பை பெற்றது.
திரிஷா : தனுஷ், திரிஷா நடிப்பில் வெளியான திரைப்படம் கொடி. இப்படத்தில் அரசியல் பதவிக்காக எதையும் செய்ய துணியும் பெண்ணாக ருத்ரா கதாபாத்திரத்தில் திரிஷா நடித்திருந்தார். திரிஷாவின் இந்த நெகட்டிவ் கதாபாத்திரம் ரசிகர் மத்தியில் நல்ல வரவேற்பு பெற்றது.
ஸ்ரீயா ரெட்டி : விஷால், ரீமாசென், ஸ்ரீயா ரெட்டி ஆகியோர் நடிப்பில் வெளியான திரைப்படம் திமிரு. திமிர் பிடித்த கட்டப்பஞ்சாயத்து பெண்ணாக இப்படத்தில் ஸ்ரீயா ரெட்டி நடித்து இருந்தார். இப்படத்தில் இவரது நடிப்பு ரசிகர் மத்தியில் வியப்பில் ஆழ்த்தியது. இப்படம் மிகப்பெரிய வெற்றி பெற்றது.
ரம்யா கிருஷ்ணன் : ரஜினிகாந்த், சௌந்தர்யா, ரம்யா கிருஷ்ணன் ஆகியோர் நடிப்பில் வெளியான திரைப்படம் படையப்பா. இப்படத்தில் நீலாம்பரி கதாபாத்திரத்தில் மிரட்டியிருப்பார் ரம்யா கிருஷ்ணன். படையப்பாவை நேருக்கு நேராக காதலிக்கும் நீலாம்பரி, காதலை நிராகரித்த அவமானத்தால் மிகுந்த கோபம் அடைகிறார். படையப்பா படம் பிளாக்பஸ்டர் ஹிட் ஆனது.