gandhiji-stamp

1948ம் ஆண்டு வெளியிடப்பட்ட மகாத்மா காந்தியின் அஞ்சல் தலை தற்போது 4 கோடி விற்பனை செய்து சாதனை படைத்துள்ளது.

1948ம் ஆண்டு வெளியிடப்பட்ட மகாத்மா காந்தியின் உருவம் பொறித்த ரூ.10 அஞ்சல் தலைகள் மிகவும் அரிதானது. வெளியிடப்பட்ட அஞ்சல் தலைகளில் 13 மட்டுமே புழக்கத்தில் உள்ளது. இந்த 13 அஞ்சல் தலைகள் வெளியீட்டுத்தாளில் இருந்து, கவர்னர் ஜெனரல் செயலகத்துக்கு வழங்கப்பட்டதாகும். அவற்றில் 4 அஞ்சல் தலைகள் இங்கிலாந்து ராணி 2ம் எலிசபெத்தின் ராயல் தபால் சேகரிப்பு தொகுப்பில் உள்ளன.

மீதியுள்ள 9 அஞ்சல் தலைகளில் 4 அஞ்சல் தலைகள் ஒரே தாளாக சேர்ந்து உள்ளது. இந்த 4 அஞ்சல் தலைகள் லண்டனில் உள்ள ஸ்டான்லி கிப்பன்ஸ் என்ற வர்த்தகரால் ஏலத்தில் விற்பனை செய்யப்பட்டது. இதனை ஆஸ்திரேலியாவைச் சேர்ந்த தனியார் அஞ்சல் தலை சேகரிப்பாளர் 5 லட்சம் பவுண்ட் (ரூ.4 கோடியே 14 லட்சம்) ஏலத்தில் வாங்கியுள்ளார்.

இதற்கு முன்னதாக உருகுவே நாட்டில் ரூ.1.32 கோடிக்கு விற்பனை செய்யப்பட்டிருந்தது குறிப்பிடத்தக்கது.